ആർ. ഷഹിനയുടെ പുസ്തകം പന്തീരാഴിയുടെ പ്രകാശനം ഷാർജ അന്താരാഷ്ട്ര പുസ്തകമേളയിൽ നടന്നു

ഷാർജ . എഴുത്തുകാരിയും അഭിനേത്രിയുമായ അഡ്വ.ആർ ഷഹിനയുടെ ഓർമ്മക്കുറിപ്പുകളുടെ സമാഹാരം പന്തീരാഴി ഷാർജ അന്താരാഷ്ട്ര പുസ്തകമേളയിൽ വെച്ച് പ്രകാശനം ചെയ്തു . 2025 നവംബർ 15 ശനിയാഴ്ച വൈകുന്നേരം 6.30 മണിക്ക് റൈറ്റേഴ്‌സ് ഫോറം ഹാളിൽ വെച്ച് നടന്ന ചടങ്ങിൽ ചലച്ചിത്ര താരം സജിത മഠത്തിൽ എഴുത്തുകാരനും പ്രഭാഷകനുമായ ഇ കെ ദിനേശന് നൽകിക്കൊണ്ട് പ്രകാശന കർമ്മം നിർവ്വഹിച്ചു.

ഹരിതം ബുക്ക്സ് മാനേജിങ് ഡയറക്ടറും എഴുത്തുകാരനുമായ പ്രതാപൻ തായാട്ട് ആമുഖ ഭാഷണം നടത്തി . സിറാജ് നായർ മോഡറേറ്റർ ആയ ചടങ്ങിൽ വെള്ളിയോടൻ പുസ്തക പരിചയം നടത്തി . വൈ എ സാജിത ആശംസ പ്രസംഗവും ആർ ഷഹിന മറുപടി പ്രസംഗവും പറഞ്ഞു .